Avstralııalyq mıllıarder «Tıtanık-2»-ni qurastyrmaq
ASTANA. 1 mamyr. QazAqparat - «Tıtanıktiń» sýǵa ketkenine 100 jyl bolýyna arnalǵan is-sharalardyń qatysýshylary Atlantıkadan Ulybrıtanııadaǵy úılerine oralyp úlgermeı jatyp,
álemniń ekinshi shetinen «Tıtanık-2»-niń qurylysy bastalatyndyǵy týraly habar jetti. BI-Bı-Sıdiń habarlaýynsha, avstralııalyq taý-ken magnaty Klaıv Palmer óziniń balalyq armanyn - belgili muhıt kemesiniń naqty kóshirmesin qurastyrýdy sheshti.
Mıllıarder XXI ǵasyr «Tıtanıginiń» qurylysyn qytaılyq "Djınlıng" /Jinling Shipyard/ keme qurylysy kompanııasyna tapsyrdy. Onyń aıtýynsha, jumystar aǵymdaǵy jyldyń aıaǵyna qaraı bastalyp, úsh jyldan keıin-aq, ıaǵnı 2016 jyly keme sýǵa túsiriletin bolady.
Palmerdiń josparlaýynsha, jańa keme "Harland end Výlf" /Harland & Wolff/ kompanııasy qurastyryp, soltústik ırlandııalyq Belfastta jarty ǵasyrdan astam ýaqyt buryn sýǵa túsirilgen «Tıtanıkke» aınymastaı uqsaıtyn bolady. Degenmen, «Tıtanıktiń» qaıǵyly taǵdyryn eske otyryp, jańa nusqadaǵy bul jolaýshylar kemesin zamanaýı jabdyqtarmen qamtamasyz etý sheshildi.
«Kemeniń ishi navıgatsııa júıesimen jáne tehnıkanyń eń sońǵy jańalyqtary boıynsha jabdyqtalady», - dep sendirdi baılyǵy shamamen 6 mlrd. dollarǵa baǵalanatyn 58 jastaǵy kásipker.
