Avstralııalyq haıýanattar baǵynan sırek kezdesetin tasbaqa joǵaldy
ASTANA. QazAqparat - Avstralııalyq Pert (Perth) qalasynyń haıýanattar baǵynan sırek kezdesetin sáýleli tasbaqa joǵalyp ketti, dep habarlaıdy BBC News. 10 jastaǵy reptılııanyń tordaǵy ornynda joq bolǵandyǵyn seısenbi kúni baıqaǵan.
Haıýanattar baǵynyń qaraýshylary janýardyń zańsyz naryqta satylýy úshin urlanýy múmkin dep esepteıdi.
Qazirgi kezde haıýanattar baǵynyń búkil aýmaǵynda ornatylǵan beınebaqylaý taspalaryndaǵy jazbalar zerttelip otyr.
Jabaıy tabıǵatta sáýleli tasbaqa Madagaskardyń ońtústiginde kezdesedi, ol kóbine araldyń ońtústigindegi ormandy jerlerdi mekendeıdi. Reptılııalar ormandardyń jappaı kesilýi men brakonerliktiń saldarynan joǵalýǵa jaqyn.
