Avstralııalyq ǵalymdar sýyqta aýany jylytatyn erekshe júıe oılap tapty
ASTANA. QazAqparat - Avstralııalyq ǵalymdar aptap ystyqta aýany salqyndatyp, qytymyr aıazda jylý beretin qarapaıym, tyń júıe oılap tapty. Ol jergilikti turǵyndar arasynda suranysqa ıe bola bastaǵan, dep jazady «Habar 24».
Úskirik aıaz, burqasyn boran bolǵanymen, jerdiń tek betki qabaty ǵana qatatyny belgili. ıAǵnı jer astyndaǵy jylý syrtqa shyqpaıdy. Topyraq jylý jibermeıdi. Tabıǵattyń osy qasıetin avstralııalyq mamandar kádege jaratty. Olar jazdyń ystyq aýasyn jer asty qoımasyna jınap, sýyq túskende nysandy jylytýǵa paıdalanady.
Áýelde tyń júıe tek geologııalyq ǵylymdar agenttiginiń nysandarynda ǵana qoldanylatyn. Qazir turǵyndar arasynda da suranys artqan.
«Bul júıe jerdiń turaqty temperatýrasyn paıdalanady. 100 metr tereńdiktegi aýanyń temperatýrasy qysy-jazy 17-18 Tselsıı gradýsty saqtaıdy», - deıdi geologııalyq ǵylymdar agenttiginiń qyzmetkeri Hanna Sletterı.
Ǵalymdar jazdyń aptap ystyǵynda jer astyndaǵy qońyr salqyn aýany soryp alyp, ornyna ystyq aýa jınaıdy. Al qysta júıe kerisinshe júredi. Geologııalyq ǵylymdar agenttigi osy tehnologııany oılap tapqan sátte bir mıllıon dollar únemdeýdi josparlaǵan. Odan beri elektr qýaty qymbattady. Sondyqtan paıda oıdaǵydan da kóbeıe tústi. Endi jergilikti turǵyndar muny óz úıine ornatyp, aqshasyn únemdemek.
«Buryn bizben eshkimniń isi bolmaıtyn. Endi tapsyrys kóbeıdi. Іsimiz ońǵa basqany kórinip tur», - deıdi júıeni ornatýshy Týıs Smıt.
Kanberra jaǵalaýdan alys, bıik jerde ornalasqan. Sondyqtan jazy ystyq, qysy qytymyr. Dál osy klımattyq jaǵdaıǵa tyń júıeniń tıimdiligi mol. Biraq turǵyndardyń ony jappaı ornatýǵa qaltasy kótermeıdi. Sóıtip bul tehnologııanyń artyqshylyǵy kóp bolǵanymen, árkimniń qoly jete bermeıtin qymbat júıe bolyp esepteledi.
