Avstralııalyq esepshotyna aýdarylyp ketken 88 mln dollardy bankke qaıtyp berdi

ASTANA. QazAqparat - Melbýrndik Mettıý Pırs mobıldik bankıngidegi esepshotynan 123 mıllıon Avstralııa dollaryn ($88,4 mln) kórgen. Júıe ol aqshany kez kelgen jerge aýdarýǵa, tólem jasaýǵa múmkindik beredi.

Alaıda azamat bul oqıǵa jaıynda bankke habarlaǵan.

Commonwealth Bank qyzmetkerleri oqıǵany estip tek kúlip qoıa salǵan. Eki aptaǵa deıin qomaqty qarjy týraly esepshot ıesin eshkim mazalamaǵan.

Tek sodan keıin ǵana banktiń basqa qyzmetkeri habarlasyp, bul bank júıesindegi aqaý saldarynan oryn alǵanyn málimdegen.

Qazir bank ákimshiligi qomaqty somanyń jeke adamǵa aýdarylyp ketýin tekserip jatyr.