Avstralııalyq Braýn Rýslan Chagaevty nokaýtqa túsirip, chempıondyq ataǵyn tartyp aldy
ASTANA. QazAqparat - Rýslan Chagaev WBA nusqasy boıynsha aýyr salmaqta álem chempıonatynyń tıtýly úshin jekpe-jekte avstralııalyq Lýkas Braýnnan jeńilip qaldy.
Altynshy raýndta Chagaev qarsylasyn nokdaýnǵa jiberdi, alaıda onynshy raýndta Braýn Chagaevqa nokaýtpen jaýap berdi.
Chagaev jekpe-jekti jalǵastyrýǵa daıyn ekenin málimdegenimen, tóreshiler aıqasty toqtatýǵa sheshim qabyldady.
Osylaısha, birde bir ret utylyp kórmegen Braýn jeńis toptamasyn 24 aıqasqa deıin jetkizdi (sonyń 21-i nokaýtpen).
Braýn endi WBO nusqasy boıynsha chempıondyq ataqtyń ıesi, brıtandyq Taıson Fıýrımen aıqasqa shyǵa alady.
Chagaev pen Braýnnyń jekpe-jegi Groznyıda ótti.
