Avstralııalyq boıjetken 40 kelige aryqtaımyn dep ómirimen qosh aıtysa jazdady (FOTO)
ASTANA. QazAqparat - Melbýrnde 17 jastaǵy mektep oqýshysy Ellen Lıttsov synyptastary mazaq ete bergen soń, aryqtaýǵa bel býady. Jasópirimder ony qatarlaryna qospaı, «borsyqsyń» dep kelemejdegen.
Buǵan namystanǵan qyz aryqtaý sharalaryna kirisken.
Bastapqyda ol balyq, kókónister ǵana jegen. Keıin muny jetkiliksiz sanap, býǵa ázirlengen qyryqqabat pen alma qabyǵyn ǵana jeýge kóshedi.
Tolyqsyǵan aq sary qyz birden tiri qańqaǵa aınaldy. Ózine qatań talap qoıǵan Lıttsov birneshe aıdan keıin qyryq kelige aryqtady.
Tipti keıde tamaq jep-ishýden bas tartqan kezderi de bolǵan. Al salmaǵy 35 kelige túsken shaqta júrýi qıyndap, mektepke barýdan qaldy.
Anasy jedel járdem shaqyryp, qyzyn aýrýhanaǵa jetkizdi. Dárigerler onyń saýyǵyp ketýi úshin barynsha kúsh salyp, qyzdy o dúnıeden qaıtaryp aldy dese de bolady.
Qazir Ellen ózin birshama jaqsy sezinýde.
