Avstralııalyq botanıkalyq baqta kúlimsi ıisti alyp ósimdik gúldedi
ASTANA. QazAqparat - Avstralııa ońtústiginde botanıkalyq baqta kúlimsi ıisti eki metrlik amorfofallýs gúldedi. Ósimdikten sasyq shirigen ıis shyǵady.
Amorfofallýsty baqta egilgenine 10 jyl ótti. Ol óte kirpııaz gúl. Ony ósirý erekshe kútimdi qajet etedi. Ósimdik 10-17 jylda bir ret qana gúldeıdi. Botanıkalyq baq qyzmetkerleri úshin onyń gúldeýi naǵyz mereke dese bolady.
Onyń gúldep jatqanyn botanıkter birneshe apta buryn ǵana bildi. Bir qyzyǵy, gúldegen ósimdikti nebári eki aptanyń ishinde ǵana tamashalaýǵa bolady.
Botanıkalyq baqta ádette gúl eki metrge deıin ósedi. Al tabıǵat aıasynda onyń bıiktigi úsh metrge deıin jetýi múmkin. Gúldiń salmaǵy 75 keli. Foto: JEAN-SEBASTIEN EVRARD/AFP
