Avstralııalyq boksshy Denıel Gıl Gennadıı Golovkındi jekpe-jekke shaqyrdy
ASTANA. QazAqparat - 32 jastaǵy avstralııalyq boksshy óziniń otandasy 35 jastaǵy Gart Výdty jeńgennen keıin WBA/IBO nusqalary boıynsha orta salmaqtaǵy álem chempıony qazaqstandyq Gennadıı Golovkındi jekpe-jekke shaqyrdy.
«Jigitter, Golovkın kelesi qarsylasym bolady degen senimdemin. Men taǵy da qos chempıondyq tıtýldy Avstralııaǵa ákelemin», degen Denıel Gıldiń sózin keltiredi Tofight.ru saıty. Onyń otandasymen kezdesýi Sıdneıde ótti. Výd úsh ret - birinshi, besinshi jáne altynshy raýndta nokdaýn aldy. Tóreshiler altynshy raýndtan soń jekpe-jekti toqtatty. Aıta keter jaıt, Denıel Gıl 26 aqpanda kezdese de alar edi. Biraq ol bul jekpe-jek Avstralııada kórsetilmeıtin bolǵan soń bas tartqan. Sondaı-aq avstralııalyq qarsylastarynyń bárin sypyra jeńgen, 29 kezdesýdiń 26-syn nokaýtpen utqan qazaqstandyqpen kezdesýden qashpaıtyndyǵyn atap ótti.
Degenmen Gennadııdiń jattyqtyrýshysy Abel Sanches 26 aqpandaǵy jekpe-jek ırlandııalyq Endı Lımen arada bolýy yqtımal degen pikirin bildirip otyr, dep habarlaıdy Vesti.kz.
