Avstralııalyq balyqshylar sırek kezdesetin jylan pishindes akýlany aýǵa túsirdi - (FOTO)
ASTANA. QazAqparat - Avstralııanyń ońtústik-shyǵys jaǵalaýynan jergilikti balyqshylar óte sırek kezdesetin akýla túrin taýyp aldy. Bul jaıynda National Geographic aqparat kózi habar taratty.
Bul akýlanyń dene turqy sońǵy 80 mln. jyl burynǵy qalpynan esh ózgermegen. ıAǵnı, ǵalymdardyń aıtýynsha, osydan 80 mln-daı jyl buryn osy jyrtqysh balyq paıda bolǵan.
Qoshqyl ári qońyr tústi akýlanyń dene turqy jylandikine uqsas bolyp keledi ári tisteri usaq bolǵanymen asa úshkir keledi. Akýlanyń uzyndyǵy eki metrge deıin jetýi múmkin. Balyqshylardyń aýyna túsip qalǵan akýlanyń uzyndyǵy da osyndaı.
Avstralııanyń ońtústik-shyǵys balyq aýlaý qaýymdastyǵynyń atqarýshy dırektory Saımon Boýgtyń ózi mundaı oljaǵa tańǵalǵanyn jasyrmady: «Myna balyq ózge ýaqyt ólsheminen kelgendeı kórinedi. Rasymen de, oǵan 80 mln jyl bolǵan shyǵar. Ony balalaryma uıyqtar aldynda kórsetpes edim»,- dedi ol tilshilerge.
