Avstralııalyq bal aralardyń arqasyna sensorly qurylǵy ornatylýda
ASTANA. 16 qańtar. QazAqparat - Avstralııada myńdaǵan bal aralary shaǵyn sensorlarmen jabdyqtalyp, endi bul qurylǵy arqyly olardyń qozǵalysyn baqylaýǵa múmkin bolyp otyr.
Osy arqyly ǵalymdar jer sharynyń soltústik jartysynda nelikten bal aralarynyń popýlıatsııasy azaıyp otyrǵandyǵyn anyqtaýǵa kirispek. Atap aıtqanda bundaı qadamǵa barýǵa bal aralarynyń aýyl sharýashylyǵy daqyldaryn tozańdandyrýda mańyzdy ról atqarýy sebep bolyp otyr. Atalǵan qurylǵyny ornatardyń aldynda jándikterdi uıyqtatyp, bes mınýtke tońazytqyshqa ornalastyrady, keıin olardyń arqasyna óte kishkentaı sensor bekitiledi. Eger de bul ǵylymı tájirıbe óz jemisterin berip jatsa, onda zertteýshiler ózge de jándikterdi osyndaı qurylǵymen jabdyqtaýdy kózdep otyr.
