Avstralııalyq áıel eki betti balaǵa júkti - VIDEO
ASTANA. QazAqparat - Dárigerler avstralııalyq áıelge qursaǵyndaǵy balasynyń eki bet pen eki mımen týatynyn aıtqan. Jalpy, tarıhta eki basty balalalardyń dúnıege kelýi boıynsha 35 jaǵdaı tirkelgen, dep jazady segodnya.ua.
Dárigerler sıdneılik Rene men Saımonǵa áli dúnıege kelmegen qyzdarynyń eki beti men eki mıy bolatynyn aıtqan. Al bas súıegi bireý ǵana. Mamandar jeti balasy bar ata-anaǵa dereý túsik jasatýǵa keńes berdi. Mundaı aqaýy bar bala eki kúnnen artyq ómir súre almaıdy deıdi olar. Alaıda jubaılar buǵan kelispeı otyr.
«Biz qandaı jaǵdaı bolsa da júktilikti toqtatpaýǵa sheshim qabyldadyq», - dep málimdedi kóp balaly ana. Reneniń sózine qaraǵanda, onyń ishindegi sharana dúnıege kelgennen keıin otbasyna qandaı qıyndyq ákelse de, ol balasynan bas tartpaıdy.
«Tolyq damymaǵan balany óltirý - aýtızmmen aýratyn baladan bas tartqannan da jaman», - deıdi júkti áıeldiń kúıeýi.
Jalpy, osy kúnge deıin tarıhta eki basty balalardyń dúnıege kelýi boıynsha 35 jaǵdaı tirkelgen. Onyń sońǵysy 2008 jyly Úndistanda tirkelgen.
