Avstralııalyq áıel 17 kúnnen keıin ormannan tabyldy
ASTANA. QazAqparat - Avstralııalyq áıel Kvınslend shtatynyń soltústigindegi ormanda joǵalyp ketkennen keıin 17 kúnnen soń tabyldy, dep habarlady Bı-bı-sı.
Úsh balanyń anasy, 30 jastaǵy Shennon Lı Freızer eki er adammen birge, onyń bireýi - azamattyq nekedegi kúıeýi - Goldan Hoýl degen jerge sýǵa shomylýǵa barǵan.
Áıel er adamdardan bólinip ketken, biraq ta mashınaǵa keri oralmaǵan, bul jóninde serikteri dabyl kóterdi, dep habarlady Kvınslendi polıtsııasy.
Áıeldiń týystarynyń aıtýynsha, Shennon ormanda ózennen sý ishken, usaq balyqtarmen jáne jándiktermen qorektengen, - óıtkeni onyń ózimen birge ala shyqqan taǵamy bolmaǵan. Onyń jabaıy janýarlardan, sonyń ishinde qoltyraýynnan da qorǵanýyna týra kelgen.
Qazir ol aýrýhanada emdelip jatyr. Shennonnyń azamattyq nekedegi kúıeýiniń aıtýynsha, onyń denesin tyrtyq basqan. «Onyń qalaı tiri qalǵanyna tańǵalamyn», - dedi eri.
Shennondy izdeýge polıtsııa jáne qutqarý qyzmeti jumyldyryldy, ony tikushaqpen de izdedi - izdeý toptary túrli-tústi markerler laqtyrdy, Sonyń arqasynda ol ormannan shyqty, qutqarýshylar ony joǵalyp ketken ornynan 30 metr jerden taýyp aldy.
Buryn salmaǵy 90 keli bolatyn ol osy kezde 16 keli salmaq joǵaltqan.
Polıtsııa bolǵan oqıǵanyń mán-jaıyn tekserýde, degenmen quqyq qorǵaý organdary ókilderiniń aıtýynsha, onyń joǵalyp ketýinde qysastyq sııaqty qandaı-da bir kúdikti jaǵdaı bolmaǵan.
