Avstralııalyq aýrýhana qyzmetkeri qatelesip, 200 emdelýshini qaıtys boldy dep habarlaǵan
ASTANA. QazAqparat - Avstralııanyń Melbýrn qalasyndaǵy Ostın aýrýhanasy qatelesip 200 emdelýshiniń qaıtys bolǵandyǵy jóninde olardyń otbasylyq dárigerlerine habarlama taratqan, dep jazady Lenta.ru.
Osyndaı óreskel qateliktiń oryn alǵandyǵy arada 2 saǵattaı ýaqyt ótkende belgili bolǵan.
Aýrýhana ákimshiligi bolsa mundaı oqıǵanyń oryn alǵandyǵyn programmalyq jabdyqtaýdaǵy shablondardyń ózgertilgendigimen jáne «adamı faktordyń» oryn alýymen túsindiredi.
Shyndyǵynda emdelýshiler din aman, kerisinshe olar saýyǵyp, aýrýhanadan shyǵarylyp jatqan. Osy tusta naýqastardyń shyqqandyǵy týraly habarlama taratatyn qyzmetker qatelesip ketken.
Aýrýhana basshylyǵy bolǵan oqıǵaǵa baılanysty naýqastardan keshirim surady. Olar bul jaǵdaıdy túsinistikpen qabyl aldy.
