Avstralııaǵa joıqyn tsıklon tónip keledi
ASTANA. QazAqparat - Avstralııalyq Kvınslend shtatynyń jaǵalaýyna tropıkalyq «Debbı» tsıklony jaqyndap keledi.
Tsıklonmen birge keletin daýyldy jeldiń jyldamdyǵy saǵatyna 250 shaqyrymǵa deıin jetken, dep habarlaıdy Bı-bı-bı reseılik qyzmeti.
Kórshiles araldardan ondaǵan myń turǵyn evakýatsııalandy. Avstralııanyń meteorologııalyq bıýrosy «Debbıdi» bes baldyq sanattyń tórtinshisimen baǵalady.
«Debbı» tsıklony Ýıtsandı araldaryn qıratyp úlgerdi, seısenbi kúni tańerteń ol Kvınslendke keledi dep boljanýda.
Bılik muny sońǵy 6 jyldaǵy eń iri tsıklon dep atady.
Buǵan deıin Avstralııa premer-mınıstri Malkolm Ternbýll jergilikti turǵyndardy óz úılerinen ketip, qaýipsiz jerge ornalasýdy surady.
Bılik azyq-túlik pen janar-jaǵarmaı qory bar qoımalardy uıymdastyrdy. Ásker zardap shekkenderge kómek kórsetý úshin saqadaı saı tur.
