Avstralııadaǵy orman órtteri órshı túsýi múmkin
ASTANA. 18 qańtar. QazAqparat - Avstralııada halyq tyǵyz qonystanǵan Vıktorııa jáne Ońtústik Avstralııa shtattaryndaǵy qatty ystyq saldarynan ótken aptanyń sońynda ondaǵan orman alqaptaryn órt jalyny sharpyǵan bolatyn, dep habarlaıdy ITAR-TASS.
Bes kún ishinde aýa temperatýrasy Adelaıda men Melbýrnda 40 gradýstan joǵary kóterilgen, búgin bul aımaqtarda ystyqtyń beti 25-30 gradýsqa deıin tómendedi.
Aýa raıynyń bulaısha ózgerýinen jel kúrt kúsheıip, órtti órshite túspek.
Vıktorııa shtatynda qazir 35 órt jalyndap janyp jatyr. Onyń eń iri ári qaýipti oshaǵy Grempıans ulttyq parkinde. Tilsiz jaý 50 myńnan astam gektar ormandy joıyp, Holls Gep atty shaǵyn qalaǵa taıap qaldy. 500-den astam órt sóndirýshiler qyzyl jalynmen aıqasýǵa jumyldyryldy.
Ońtústik Avstralııada oryn alǵan 30-dan astam órtti aýyzdyqtaýǵa shtattyń shyǵys aýdandarynda jaýyp ótken jaýyn múmkindik berdi. Atalǵan eki shtatta da ot tutatýǵa tyıym salynǵan. Sebebi, Vıktorııa shtatynyń polıtsııasynyń habarlaýynsha, mundaǵy ótken aptada bolǵan 70 órttiń 12-si adamdardyń otty abaısyz paıdalanýynan tutanǵan.
