Avstralııadaǵy orman órtteri: adamdar muhıtqa qashyp jan saqtaýda
ASTANA. 7 qańtar. QazAqparat - Avstralııadaǵy orman órtteri qazirdiń ózinde júzden astam úıdi jalmady. Qutqarý komandalary orman órtteri jaılaǵan Tasmanııa araldarynda iz-túzsiz joǵalǵan adamdardy izdestirýde, dep habarlady Bı-Bı-sı.
Kóptegen týrıster men jergilikti turǵyndar ot qorshaýynda qaldy. Qasiretke ushyrǵandardyń naqty sany beımálim, degenmen, ókimet oryndarynyń málimetterine qaraǵanda, myńǵa tarta adam tap bolǵan. Keıbir jaǵajaılar aýzy-murnynan shyǵyp tolǵan: birqatar jerlerde jalyn tili jaǵalaýǵa jaqyndap qaldy, adamdar muhıtqa qashyp jan saqtaýda. Kýágerlerdiń aıtýynsha, jalynnyń bıiktigi on metrge jetti, aǵashtar ot-shashý tárizdi ushqyn atyp janyp jatyr.
Avstralııa qurlyǵynda orman órtteri boı bermeı tur. Onyń sebebi - eldiń ońtústigindegi buryn-sońdy bolmaǵan aptap ystyq.
Órt sóndirýshiler jaqyn ýaqyttarda aýanyń temperatýrasy tómendep, jeldiń jyldamdyǵy báseńdeıdi degen sınoptıkterdiń boljamyna úmittenip otyr.
