Avstralııadaǵy aptap ystyq rekordtyq kórsetkishke jetti
ASTANA. QazAqparat - Dúısenbi kúni avstralııalyq Perte qalasynda aýa temperatýrasy 44,4º S jetti.
Bul 1991 jyldan bastap eldegi qańtar aıyndaǵy eń ystyq kún boldy, dep habarlady Bı-bı-sı. Bul jolǵy jaz 1910 jyldan bergi eń ystyq jazdardyń biri.
Avstralııalyq meteorologtar habarlaǵandaı, ótken jyl salqyn kúnderdiń azaıýymen jáne ystyq maýsymynyń jıilýimen erekshelendi. Mundaǵy jyldyq ortasha temperatýra qalypty jaǵdaıdan 0.91ºC joǵary boldy. Eldiń ońtústigindegi ormandar tolassyz órtterden zardap shegýi múmkin.
Qazir órt sóndirýshiler Adelaıda qalasy mańyndaǵy tilsiz jaýmen kúresýde. Aýa temperatýrasy kóterilip, jeldiń jyldamdyǵynyń kúsheıýi órttiń taralýyna áser etýi múmkin degen boljamdar jasalýda.
