Avstralııada jeti tonnalyq mango joǵalyp ketti - FOTO
ASTANA. QazAqparat - Avstralııanyń Kvınslend shtatyndaǵy Boýen qalasynda 10 metrlik mango skýlptýrasy joǵalyp ketti. Bul týraly Agence France-Presse habarlady.
Eskertkish týrısterge arnalǵan aqparattyq ortalyqtyń aldynda turǵan. Osy ortalyqtyń basshysy Pol Maklaflınniń aıtýynsha, alyp «jemisti» keshe túnde aýyr tehnıkanyń kómegimen jóndegen bolatyn. Alaıda ony qaıda alyp ketkenderi belgisiz. Biraq Maklaflın eskertkishtiń tabylatynyna senimdi.
Facebook-te osy oqıǵaǵa baılanysty arnaıy qaýymdastyq ta qurylyp úlgergen. Onda mangony tazalaý kezindegi beınejazbalar júkteldi. Solardyń birinde avtokrandy basqaryp otyrǵan negizgi kúdikti de bar kórinedi.
Alyp mango 2002 jyly ornatylǵan. Onyń quny 90 myń AQSh dollary bolǵan. Ol - Avstralııa jerinde ornatylǵan 150 alyp skýlptýranyń biri. Olardyń arasynda alyp banan, koala jáne ananas bar.
