Avstralııada jerlesterimiz «Taldy-Kurgan» dámhanasyn ashty
ASTANA. QazAqparat - Sıdneıdegi muhıttyń jaǵalaýynda «Taldy-Kurgan» degen ataýmen dámhana jumys istep tur. Ony 90-jyldary Taldyqorǵan qalasynan Avstralııaǵa kóship barǵan burynǵy jerlesterimiz ashqan, dep jazady «Ekspress-K» gazeti.
Avstralııaǵa Almatydan demalýǵa barǵan Anna Hvostova dámhananyń ulttyq naqyshta bezendirilgenin jáne turmystyq zattardyń ulttyq stılde jasalǵanyn aıtqan.
«Ásirese, bizge sol jerde shyǵarylatyn qymyz qatty unady. Dámhana qyzmetkerleri ol jerdiń ıesi buryn Taldyqorǵan qalasynda turǵanyn aıtty. Jalpy, onda Qazaqstanda keńinen tanymal ulttyq taǵamdardy ázirlep, nasıhattaý qıyn emes. Sebebi ol elde mal sharýashylyǵy, onyń ishinde jylqy sharýashylyǵy jaqsy damyǵan. Al biz dámhanada ishken qymyzdy jergilikti bir fermada arnaıy ádispen daıyndaıdy eken», - deıdi Anna.
Atalǵan dámhananyń ıeleri Perovskııler otbasy 90 jyldary Taldyqorǵan qalasynan kóship barǵan. Bastapqyda olar kishigirim balyq zaýytyn ashyp, keıin dámhanaǵa aınaldyrǵan. Qazaqstanǵa kelip-ketip júrgen saıyn mekemeniń ishin bezendirýge qajetti ulttyq naqyshtǵy zattardy jetkizip otyrypty. Al Avstralııada ulttyq ashana zor suranysqa ıe.
«Búginde qala turǵyndary men týrıster «Taldy-Kurgan» dámhanasyna jıi keledi. Aıta keterligi, eldiń Adelaıda qalasynda dál osyndaı ataýmen taǵy bir dámhana jumys istep tur», - dep jazady basylym.
