Avstralııada jasandy júrekpen ómir súretin álemdegi alǵashqy adam turady
ASTANA. KAZINFORM – Avstralııada 40 jastaǵy er adam tolyq jasandy júrekpen 100 kún ómir súrip, rekord ornatty. Bul týraly ABC News habarlady.
2024 jyldyń qarashasynda Sıdneı hırýrgtary 6 saǵattyq operatsııa kezinde naýqasqa tıtan BiVACOR tolyq jasandy júrekti ımplantatsııalaǵan. Bul jasandy júrektiń aldyndaǵylardan aıyrmashylyǵy, onyń mehanıkalyq bólikteri tozbaıdy.
Qurylǵyny avstralııalyq ónertapqysh Danıel Tımms jasaǵan. Bala kezinde ákesimen birge sý sorǵyshtaryn jóndegen ol bul salaǵa qatty qyzyqqan. Ákesi keıinirek júrek aýrýynan qaıtys bolǵan, bul jaǵdaı Tımmsti jasandy júrekpen jumys isteýge ıtermelegen.
Ol 2024 jyldyń shildesinde Tehas júrek ınstıtýtynda naýqasqa alǵashqy jasandy júrekti ımplantatsııalady, biraq kútken nátıje bolmady. Bul joly Avstralııadaǵy naýqas qurylǵymen ómir súrip jatqanyna 100 kún boldy. Qazir onyń jaǵdaıy jaqsy.
Qazirgi ýaqytta BiVACOR júregi syrtqy batareıadan qýat alady, biraq bolashaqta symsyz zarıadtaý tehnologııasy engizilýi múmkin.
Avstralııada jyl saıyn shamamen 5000 adam júrek aýrýlarynan qaıtys bolady. Elde donor tapshylyǵyna baılanysty júrek transplantatsııasy 19 paıyzǵa qysqarǵan. Al BiVACOR bolashaqta adamnyń júregin aýystyrýda oń sheshim bolýy múmkin.
Bıyl Avstralııada taǵy tórt patsıentke BiVACOR júrekterin ornatylady.
Aıta keteıik, Aýstralııada 2,4 mıllıon balanyń ómirin saqtap qalǵan donor qaıtys boldy.