Avstralııada jabaıy janýarlary bar qonaq úı ashyldy
ASTANA. QazAqparat - Avstralııa astanasy Kanberrada jabaıy janýarlary bar qonaq úı ashyldy, dep habarlady BELTA.
Jamala Wildlife Lodge qonaq úıi Kanberranyń Ulttyq haıýanattar baǵy men akvarıýmy aýmaǵynda ornalasqan. Bul qonaqtardyń janýarlar álemine jaqyn bolýyna jol ashty. Qonaq úıdegi bólmelerden shyny qabyrǵa arqyly janýarlardy tamashalaýǵa bolady.
Bir bólmeniń turǵyndary balkonynan kerikterdi tamaqtandyra alsa, ekinshileri akýlalary bar akvarıýmdy tamashlaı alady. Joǵarǵy terrasada maımyldardy kórýge bolady.
Jungle nomerlerin arystan, leopard jáne aıýlary bar torlardan juqa shyny qabyrǵa ǵana bólip tur. Sondyqtan adam mundaı bólmelerde jartqyshtarmen birge turyp jatqandaı áserge bólenedi.
Alaıda bul qonaq úıde birneshe shekteý men óz erejeleri bar. Osylaısha, nomerdi 18 saǵatqa deıin ǵana jalǵa alýǵa bolady, al 6 jasqa tolmaǵan balalar qonaq úıge kirgizilmeıdi.
Mundaı qonaq úıde turý úshin bir adam $400 astam qarajat jumsaıdy. Qonaq úıdiń tabysy haıýanattar baǵy men akvarıým qajettilikterine jumsalady.
