Avstralııada úsh jasóspirim qyz attraktsıon kabınasynan qulady
ASTANA. QazAqparat - Avstralııada attraktsıon kabınasy shaıqalyp, úsh qyz qulap ketti. Zardap shekkenderdiń biriniń jambasy men qoly synyp, aýyr hálde aýrýhanaǵa jetkizildi, dep habarlady 9news arnasy.
Oqıǵa, búgin jeksenbi kúni oryn alǵan. Aldyn ala derek boıynsha, jasóspirimder otyrǵan kabına shaıqalyp ketip, olardyń qulap ketýine sebep bolǵan.
Oqıǵa ornyna kelgen jedel járdem ókiliniń aıtýynsha, zardap shekkenderdiń biri aýrýhanaǵa aýyr halde jetkizilgen. Onyń jambasy men qoly synǵan. Eki qyz balanyń qoly men qabyrǵalary zaqymdanǵan. Olardyń jaǵdaı turaqty dep baǵalanýda.
