Avstralııada tórt metrlik pıton golf alańynda kengýrýdy jutty
ASTANA. QazAqparat - Avstralııada tórt metrlik ametıst pıtony golf oınaýshylardyń kózinshe kengýrýdy jutyp qoıǵan. Bul týraly seısenbi, 13 jeltoqsan kúni BBC News habarlady.
Oqıǵa Kvınslend shtatynyń soltústiginde oryn alǵan. Oıynǵa qatysýshylar tegis alańda sekirip júrgen kengýrý-vallabıdyń janyndaǵy alyp baýyrymen jorǵalaýshyny kórgen.
«Barlyǵy tań qalysty. Bul ádettegi jaǵdaı emes», - dedi sportshylardyń biri jýrnalısterge. Onyń aıtýynsha, jylanǵa kengýrýdy jutý úshin bes mınýt qana jetkilikti bolǵan. Sodan keıin alyp jylan keýip ketken ózen ańǵaryna kirip ketken kórinedi. Golf oıynshylary ary qaraı oıyndaryn jalǵastyrdy. Óıtkeni mundaı oqıǵa buryn da oryn alǵan.
