Avstralııada tolassyz jaýǵan jańbyr saldarynan júzdegen úıdi sý basty
BEIJІŃ. QazAqparat - Avstralııanyń ońtústik-shyǵysyndaǵy Vıktorııa shtatynyń Melbýrn qalasy mańynda tolassyz jaýǵan jańbyr saldarynan júzdegen úıdi sý basty, dep habarlaıdy QazAqparat ABC arnasyna silteme jasap.
Jergilikti tótenshe jaǵdaılar qyzmetiniń málimetinshe, sý tasqyny saldarynan Vıktorııa shtatynyń kóp bóligine zaqym keldi, kem degende 500 úı sý astynda qaldy jáne osynshamasy syrtqy álemmen baılanysyn úzdi. 4,7 myńnan astam úı jaryqsyz qalǵan.
Vıktorııa shtatyndaǵy sý tasqynynan týyndaǵan tótenshe jaǵdaı odan ári ýshyǵa beredi dep boljanyp otyr.
Qaýipti jaǵdaı Jańa Ońtústik Ýels shtaty men Tasmanııa araldyq shtatynyń birqatar aýdandarynda da bolǵan.
Eldiń ońtústik-shyǵys jaǵalaýynda rekordtyq nóser jańbyr saldarynan sý basý qaýpi týyndap, myńdaǵan turǵyn evakýatsııalandy.
