Avstralııada «Sıdneı umytyp ketken áıeldiń» daýly isi qarala bastady
ASTANA. QazAqparat - Sıdneıde 2011 jyldyń daýly isi boıynsha sot tyńdaýlary bastaldy. Sol kezde polıtsııa qyzmetkerleri óliminen keıin jeti jyl boıy úıinde jatqan keıýananyń denesin tabady.
Tergeý amaldary barysynda Natalı Výd esimdi 80 jastaǵy ájeı 2004 jyly súrinip qulap, sonyń saldarynan qaza bolǵany anyqtaldy.
Alaıda, onyń uzaq ýaqyt boıy baılanysqa shyqpaǵany týysqandaryn tańǵaldyrmaǵan. Ájeı jaqyndarymen sırek aralasatyn adam bolyp shyqty.
Áleýmettik qyzmetter de onyń kommýnaldyq esep-shottardy tólemeýi jáne banktegi shotyn paıdalanbaýy sekildi faktilerden kúdiktenbegen. Jergilikti buqaralyq aqparat quraldary Natalı Výdty «Sıdneı umytyp ketken áıel» dep atap ketken.
