Avstralııada salmaǵy 252 keli áıel 18 keli balany dúnıege ákeldi
ASTANA. QazAqparat - Salmaǵy 252 keli bolatyn aýstralııalyq áıel 18,1 keli bolatyn eń aýyr balany dúnıege ákelip, rekordty jańartty.
«Laıf» aqparat portalynyń habarlaýynsha, avstralııalyq aýrýhanalardyń birine tolǵaq qysqan áıel túsken. Onyń salmaǵy 252 keli bolǵandyqtan, qıyndyqtar týyndamaý úshin dárigerler balany ishten jaryp alýǵa sheshim qabyldaǵan.
Dárigerler úshem týylady dep boljaǵan eken, alaıda áıel qursaǵynda bir ǵana alyp bala boldy.
Avstralııalyq aýrýhananyń dárigerleri balany tarazyǵa salǵanda tań qalǵan. Jańa týǵan sábıdiń salmaǵy 18,1 keli bolǵan.
Portal tilshileriniń habarlaýynsha, alyp sábı anasynyń jaǵdaıy jaqsy. Sábı de qalypty jaǵdaıda.
Buǵan deıin jańa týǵan sábıler arasyndaǵy eń aýyry 17,2 keli bolǵan edi. 1839 jyly tirkelgen bul rekord 1,5 ǵasyr boıy buzylmady, aýstralııalyq áıel salmaqty bir satyǵa kóterdi.
