Avstralııada polıtseıler esirtkilik shóp - qarasora jep júrgen shoshqany ustady
ASTANA. QazAqparat - Avstralııalyq Tývýmba qalasynyń polıtseıleri kanabısti zańsyz ósirip júrgen jergilikti turǵyndy ustaý kezinde buryn-sońdy bolmaǵan oqıǵanyń ústinen shyqty.
Tártip saqshylary 44 jastaǵy avstralııalyq azamattyń úıine basa-kókteı kirgende, úıdiń artqy aýlasynda úlken toraıdy kórip qaldy.
Nashaqorlyqqa qarsy kúreskerler esirtki dıleriniń qaraýyndaǵy janýardyń tamaqtanatyn tabaqshasynan tyıym salynǵan preparattardy kórgende erekshe tańqaldy. Alaıda olar «shópti» tabaqshadan almaq bolǵanda, shoshqa joldaryna turyp, barynsha ony bermeýge tyrysty.
Aqyry polıtseılerge qylmyskerdiń ózin ǵana emes, operatsııany júrgizýge kedergi keltirgen toraıdy da ustaýyna týra keldi, dep habarlaıdy Daily Mirror.
