Avstralııada pedofılııamen aınalysty degen kúdikpen din qyzmetshisi qamaýǵa alyndy
ASTANA. 22 sáýir. QAZAQPARAT - Avstralııada Rım katolıktik shirkeýiniń pedofılııamen aınalysty dep aıyptalǵan din qyzmetshisi qamaýǵa alyndy, dep habarlaıdy Rosbalt.
Dúısenbi kúni 67 jastaǵy Djýlıan Foks kepilge bosatylǵannan keıin Melbýrndaǵy Vıktorııa shtatynyń ortalyq polıtsııa bólimshesine ózi kelgeni belgili. Endi ol juma kúni, 26 sáýirde sotqa kelýi tıis dep habarlaıdy, The Herald Sun.
Din qyzmetkerin balalarǵa kórsetken on jynystyq zombylyq jaǵdaıy boıynsha aıyptaýda. Tergeý málimetterine qaraǵanda, bul Melbýrn qalasynyń mańynda 1976-1985 jyldar aralyǵy kezeńinde bolǵan.
Din qyzmetkerin qamaýǵa almas buryn, Avstralııa polıtsııasy ony ustap berý týraly 2012 jyldyń shilde aıynan bastap uzaq kelissózder júrgizdi. Djýlıan Foks 1999 jyly oǵan aıyp taǵylǵannan az ýaqyt buryn Avstralııadan Fıdjıge kóshti. Keıinirek ol Rımge kóship, bas keńsesi Vatıkannan on kılometr qashyqtyqta ornalasqan salezıandyq Don Boskonyń qaramaǵynda jumys istegen.
Foks Avstralııada bir jyldan az ýaqyt buryn qamaýǵa alynǵan úshinshi salezıandyq ekenin atap ótken jón. Sonymen qatar, bul sol úshin arnaıy qurylǵan koroldyq komıssııa tarapynan ár túrli konfessııalar arasynda pedofılderdi áshkereleý toptamasyndaǵy sońǵy jaǵdaı. Ol Avstralııada 2012 jylǵy qarashada oppozıtsııanyń bastamasy boıynsha paıda boldy.
