Avstralııada «Nýrofen» dárileriniń birneshe túrin satýǵa tyıym salyndy
ASTANA. QazAqparat - Avstralııanyń federaldyq soty Reckitt Benckiser farmatsevtıkalyq kompanııasyn «Nýrofen» dárisiniń keı túrlerin satylymnan alyp tastaýyn talap etti, dep habarlady «VVS» agenttigi.
Sot kompanııa avstralııalyq satyp alýshylardy jańyltty degen qaýly shyǵardy.
Jarnamaǵa sáıkes, «Nýrofen» dárisiniń túrleri sáıkesinshe, bel aýrýymen nemese bas aýrýynan aıyqtyrýy tıis. Alaıda, shyn máninde preparattarda ıbýprofenniń quramyndaǵy zattar bolǵan. Atap ótý kerek, onyń quny qarapaıym «Nýrofen» jáne ózge de osyǵan uqsas dárilerden eki ese qymbat boldy.
Avstralııanyń básekelestik jáne tutynýshylyq naryq boıynsha komıssııasy naýryz aıynda sotqa shaǵymdanǵan. «Nýrofenniń» tórt túrine shaǵym tústi.
Kompanııaǵa «Nýrofenniń» bul túrlerin dúkenderden alyp tastaýyna úsh aı berildi.
Kompanııaǵa aıyppul salý ne salmaý týraly sot áli sheshken joq.
