Avstralııada mysyqtar kún saıyn mıllıondaǵan qusty óltiredi
ASTANA. QazAqparat - Avstralııada jabaıy jáne úı mysyqtary kún saıyn shamamen mıllıonǵa jýyq qusty óltiredi. Mysyqtar popýlıatsııasy men olardyń dıetasyna arnalǵan júzdegen aımaqtyq zertteýlerdiń málimetterin jınaǵan jergilikti ǵalymdar osyndaı qorytyndyǵa kelgen.
Jabaıy mysyqtar jyl saıyn 316 myń qusty óltiredi, qaýyrsyndylardyń taǵy 61 mıllıonǵa jýyǵy úı mysyqtarynan ajal tabady. Mysyqtar óltiretin qus túrleri 338-ge jetedi, bul jergilikti avstralııalyq qus túrleriniń jartysy degen sóz. Sonyń 71-i joıylyp ketýdiń az-aq aldynda tur. Máselen, túngi totyqus túriniń jalǵyz ókilin adamdar 2015 jyly tamyzda kórgen. Qustyń buǵan deıingi boı kórsetýi sońǵy ret 25 jyl buryn qujatqa tirkelgen bolatyn.
Avstralııada mysyqtardyń qustar álemine tıgizip otyrǵan zardaby eýropalyqtardyń osy materıkke alǵash kelgen kezdegi mysyq ákelýinen bastalǵan. Aýstralııa úkimeti mysyqtarmen kúresýge 23 mıllıon AQSh dollaryn bóldi. Maýsym aıynda 69 000 gektar jerde mysyqtardan taza aımaq quryldy.
