Avstralııada qoltyraýynnyń 70 basy salynǵan tońazytqysh tabyldy
ASTANA. QazAqparat - Avstralııa polıtsııasy qoltyraýynnyń 70 basy salynǵan muzdatqysh kameranyń ıesin izdeýde, dep habarlady BBC News.
Ony jasóspirimder toby Dýrban qalasynda sýpermarkettiń artyndaǵy jyradan tapqan.
Polıtsııada teńiz qoltyraýyndaryn aýlaý brakonerlerge tabys kózi bolyp otyrǵandyǵyn málimdedi. Onyń terisinen aıaq kıim, belbeý, sómke jasaıdy, al basyn qaldyq retinde laqtyryp tastaıdy.
Brakonerlerdi Avstralııada qoltyraýyn aýlaǵany úshin 76,5 myń dollar aıyppul ne bes jylǵa deıin bas bostandyǵynan aıyrý jazasy toqtatar emes.
Avstralııalyq teńiz qoltyraýyndarynyń uzyndyǵy jeti metrge, salmaǵy bir tonnaǵa jetýi múmkin. Bul qurlyqta olardyń sany 200 myńǵa jetedi. Qoltyraýyndar Avstralııada qorǵalatyn janýarlar tizimine 1970 jyly engizilgen bolatyn.
