Avstralııada kengýrýdyń soqqysyn alǵan shaǵyn tikushaq «apatqa ushyrady»
ASTANA. QazAqparat - Avstralııadaǵy saıabaqtardyń birinde mekendeıtin kengýrýlardyń tirshiligin túsirý úshin tabıǵat zertteýshileri ushyrǵan kvadrokopter kútpegen jerden apatqa ushyrady.
Bul oqıǵa Jańa Ońtústik Ýels shtatyndaǵy saıabaq aýmaǵynda boldy. Tabıǵattanýshylar beınekamera bekitilgen drondy kengýrýlardyń tynys-tirligi jaıly egjeı-tegjeıli bilý úshin paıdalanǵan. Sirá, kengýrýlar men olardyń tólderine shaǵyn ǵana tikushaqtyń shýyly men izderinen qalmaı júrgeni unamaǵan bolsa kerek, olar odan arylmaq bolyp sheshken. Sol sebepten oǵan kútpegen jerden "soqqy" jasaǵan. Dron ıeleri quraldy alyp, onda bekitilgen beınekameranyń ishinen jady kartasyn alyp tastady. Ushyrý quralynyń ózi bolsa, kúrdeli zaqymdanǵan, esh jóndeýge kelmeıdi, dep jazady Segodnıa.
