Avstralııada qasıetti jartastyń jaryǵynan shyǵa almaı qalǵan týrısterdi qutqardy
ASTANA. QazAqparat - Avstralııalyq taýlarda jartastyń jaryǵynan shyǵa almaı qalǵan týrısterdi qutqarý úshin 11 saǵat ýaqyt ketti. Buǵan tikushaq tartyldy, dep habarlady The Sydney Morning Herald basylymy.
Oqıǵa dúısenbi kúni, 19 qyrkúıekte oryn aldy. 23 jastaǵy úsh avstralııalyq Soltústik aýmaq óńirinde ornalasqan ataqty Ýlýrý taýyna saıahatqa bardy. Jartastyń jaryǵyna túspek bolǵan jastar týrıstik joldan aýytqyp, qaıta shyǵa almaǵan.
Qutqarýshylar olarǵa dúısenbi kúni keshke jetti. 20 qyrkúıekke qaraǵan túni týrısterdi qaýipsiz jerge shyǵardy. Soltústik aýmaqtyń jedel qyzmetiniń ókili er adamdardyń zardap shekpegenin atap ótti. Sondaı-aq ol Ýlýrýdaǵy joldan shyqpaýdy eskertti, dep jazady lenta.ru.
Jartastyń bıiktigi 348 metrdi quraıdy. Ýlýrý áıgili týrıstik nysan. Ol Búkilálemdik ıÝNESKO murasynyń tizimine engizilgen.
