Avstralııada karantınge qarsy narazylyq aktsııalary ótti

NUR-SULTAN. QaAqparat – Avstralııada karantınge qarsy narazylyq aktsııalary ótti. Sıdneıde 47 adam qamaýǵa alyndy, taǵy 260 adamǵa aıyppul salyndy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Shtattyń polıtsııa jáne tótenshe jaǵdaılar mınıstriniń aıtýynsha, narazylar sany kóp bolmasa da, olar «ınfektsııanyń taralýyna sebep bolatyny anyq».

Tallınde oqýshylarǵa koronavırýske qarsy vaktsına salý bastaldy. Vaktsınatsııa 21 jáne 22 tamyz kúnderi Tallınniń alty mektebinde aldyn ala tirkeýsiz ótedi. Ekpege birinshi kezekte 12-18 jastaǵy oqýshylar, sondaı-aq olardyń otbasy músheleri shaqyrylady.

Birqatar elderde koronavırýsqa shaldyqqandardyń kúndelikti ósýi boıynsha antırekordtar tirkeldi: Fılıppınde 17 231 jaǵdaı, Vetnamda 11 321 jaǵdaı, Avstralııada 903 jaǵdaı anyqtaldy.