Avstralııada ejelgi adamdardyń turaǵy tabyldy
ASTANA. Jeltoqsannyń 21-i. QazAqparat - Ǵalymdar Avstralııada ejelgi adamdardyń turaǵyn tapty,
dep habarlaıdy QazAqparat AFP saıtyna silteme jasap.
Mamandar Gregorı kóliniń jaǵasyndaǵy úlken tasty zerttegennen keıin munyń adamdarǵa qatysy bar degen qorytyndyny jasady. Bul sý qoımasy qurlyqtyń qýań soltústik-batys bóliginde ornalasqan. Buǵan deıin ǵalymdar onda adamdardyń bolǵan belgilerin keziktirmegen edi. Tasta kertilgen izder jaqsy saqtalǵan. Adamdar kesek jynysty eńbek quralyn jasaý úshin shetinen kertip, syndyryp alyp otyrǵan.
Ǵalymdar optıkalyq zertteý ádisimen tastyń jasyn anyqtady. Bul tásil tas jatqan jerdegi topyraq qabattaryna qaı kezeńde Kún sáýlesi túskenin baǵalaýǵa múmkindik beredi. Merzimdi belgileý nátıjelerine saı, tastyń jasy 45 myńnan 50 myń jylǵa deıingi aralyqty qurady. ıAǵnı adamdar avstralııalyq qurlyqty sońǵy muz dáýiri ornaǵanǵa deıin meken etken.
