Avstralııada eń joıqyn sý tasqyny eldi ábigerge salýda
ASTANA. 12 qańtar. QazAqparat - Avstralııada sońǵy 90 jyldaǵy eń joıqyn sý tasqynynan qaza tapqandar sany 8 adamǵa jetip, 11 adam iz-túzsiz joǵalǵandar sanatynda, dep habarlaıdy RBK.
Júzdegen adam qaýipsiz jerlerge kóshirildi. Joıqyn sý tasqynyna "Tasha" daýyly ákep soqqan. Dúısenbi kúni Kvınslend shtatyndaǵy 90 myń turǵyny bar Tývýmba qalasynyń kóshelerinde 8 metrge deıin kóterilgen tasqyn júrip, jol boıyndaǵy adamdar men kólikter sý astynda qaldy. Turǵyndarǵa aǵashtar men úılerdiń shatyryna kóterilýge týra keldi. Qutqarýshylar olardy tikushaqtarmen kóshirýde.
12 myńnan astam turǵyn úı men qurylystar qırap, apattan kelgen ekonomıkalyq shyǵyn kólemi mıllıardtaǵan dollarǵa jetti. Kvınslend shtatyndaǵy kómir shahtalarynyń jabylýy, álemdik baǵanyń kúrt joǵarylaýyna yqpal etti. Avstralııaǵa Birikken Ulttar Uıymy qol ushyn berýge daıyn ekendigin bildirdi. Sondaı-aq, uıym qajet jaǵdaıda halyqaralyq qoǵamdastyqtan da kómek suraýǵa ázir.
