Avstralııada eki álemdik velojarys ótpeıtin boldy
NUR-SULTAN. QazAqparat - «Tour Down Under» jáne «Cadel Evans Great Ocean Road Race» jarystarynyń uıymdastyrýshylary COVID-19 pandemııasyna baılanysty 2021 jyly ótetin básekelerden bas tartatyndyqtaryn málimdedi, dep habarlaıdy QazAqparat Olympic.kz saıtyna silteme jasap.
Ońtústik Avstralııadaǵy uıymdastyrý komıtetiniń atqarýshy dırektory Hıtaf Rashıd Tour Down Under týrnıriniń halyqaralyq aspektisin eń qıyn dep sanady. Rashıd Avstralııanyń jalǵasyp jatqan shekaralaryn jabý máselesine toqtalyp, karantındi jarysty toqtatýdyń negizgi faktory retinde atady. «Santos Tour Down Under - bul álemdik velosport pen Avstralııanyń sport kúntizbesinde eń súıikti dodalarynyń biri. Biz bul sharanyń Ońtústik Avstralııa halqy úshin qanshalyqty mańyzdy ekenin bilemiz. Sondyqtan biz óz múmkindigimizdi paıdalaný úshin barymyzdy saldyq. 400-den astam qatysýshysy bar halyqaralyq básekeni qalaı uıymdastyrýdy sheshý biz úshin óte qıyn másele boldy. Ońtústik Avstralııada halyqaralyq is-sharany ótkizýdiń sátti strategııasyn quryp, múddeli taraptarmen, atap aıtqanda, Densaýlyq saqtaý mınıstrligimen jáne Ońtústik Avstralııa polıtsııasymen (SA Health) birlese jumys istedik. Alaıda, karantın men halyqaralyq shekaranyń jabylýy 2020 jyldyń qıyn bolǵanyn dáleldedi. Osyǵan baılanysty, Santos Tour Down Under halyqaralyq jarystary 2021 jyly bolmaıdy, biraq biz bárine UCI-diń tolyq qoldaýymen Ońtústik Avstralııaǵa oralyp, 2022 jyldyń qańtarynda ótkizemiz degen senimdemiz», - dedi ol. Uıymdastyrýshylar onyń ornyna qańtarda úıde velosporttan shaǵyn festıval ótedi degen úmittenetinin jasyrmady. Bir kúndik báseke - «Kadel Evanstyń Uly muhıttyq jol jarysy» 31 qańtarǵa josparlanǵan bolatyn. Bul erler men áıelder arasyndaǵy básekeni qamtýy kerek edi. Negizgi múddeli taraptarmen, sonyń ishinde komandalarmen jáne Ońtústik Avstralııa týrızm komıssııasymen konsýltatsııalardan soń sharany toqtatý týraly sheshim qabyldandy.
«Biz UCI WorldTour jarys maýsymyn qańtar aıynda ótkize almaıtynymyzǵa qynjylamyz. Biraq bul sheshim veloshabandozdardyń, jarys seriktesteriniń, kórermenderdiń, jumys kúshiniń, eriktilerdiń jáne keń qaýymdastyqtyń densaýlyǵy men qaýipsizdigin birinshi orynǵa qoıǵandyqtan qabyldandy», - deıdi uıymdastyrýshylar. Olar Evanstyń Týr de Frans jeńisiniń 10 jyldyǵyn toılaýǵa arnalǵan keshti qamtıtyn 2022 jylǵa josparlary bar ekenin aıtady. Avstralııadaǵy UCI WorldTour aıasynda qos birdeı dodanyń bolmaýy erler maýsymyn 21-27 aqpan kúnderi UAE Tour velojarysynan bastalatynyn bildiredi. Atalǵan jarys koronavırýs pandemııasy áser etken alǵashqy doda bolyp sanalady. 2020 jylǵy maýsymda Birikken Arab Ámirlikterinde ótken velojarys kezinde birneshe sportshydan vırýs anyqtalyp, keıbir komandalarǵa karantınge jabylǵan bolatyn.