Avstralııada boıjetken shotyna kezdeısoq túsken 3,4 mln. dollardy jumsap tastaǵan
ASTANA. QazAqparat - Avstralııa soty tórt jyl buryn shotyna qatelesip jiberilgen 3,4 mln. dollardy sheship alǵan 21 jastaǵy malaızııalyq boıjetkendi kepildik alyp, bosatty.
Stýdent Krıstın Tszıasın Lı sársenbi kúni Sıdneı áýejaıynda Malaızııaǵa oralmaq bolǵan jerinen qolǵa tústi.
2012 jyly onyń shotyna qatelesip 4,6 mln-ǵa jýyq avstralııalyq dollar (3,4 mln. AQSh dollary) aýdarylǵan.
Tergeý málimetterinshe, ol ózine aýdarylǵan aqshany Westpac bankinen bir jylda birte-birte sheship, bılikke aqshanyń ózine qatelisip jiberilgenin habarlamaǵan.
Tszıasın Lıdiń qorǵaýshysy boıjetkenniń 700 myń dollardy sándi sómkelerdi satyp alýǵa jumsaǵanyn aıtty.
Tergeýshiler sondaı-aq stýdent qyz kóp uzamaı ony polıtsııa izdeıtini týraly bilgenin jáne elden ketý úshin jedel túrde tólqujat daıyndaǵanyn aıtyp otyr.
