Aýstralııada bıliktiń ruqsatymen 700 koala atyldy

ASTANA. KAZINFORM —  Aýstralııanyń Vıktorııa shtatynda bılik 700-den astam koalany tikushaqtan atýǵa ruqsat berdi. Bul sheshim zooqorǵaýshylar men keıbir saıasatkerlerdiń ashý-yzasyn týdyrdy, dep habarlaıdy Sky News.

AZERTADJ sheteldik BAQ-qa silteme jasaı otyryp habarlaǵandaı, bılik ókilderi bul sheshimdi májbúrli shara retinde túsindirip otyr. Sebebi naýryz aıynda bolǵan órt saldarynan koalalar shamamen 2 000 gektar ósimdikter jamylǵysynan aıyrylyp, olardyń tabıǵı tirshilik ortasy, azyǵy men sýy joıylǵan.

Vıktorııa shtatynyń premer-mınıstri Hasınta Allannyń aıtýynsha, bul sheshim jan-jaqty ári muqııat baǵalaýdan keıin qabyldanǵan. Alaıda zooqorǵaýshylar bul sharamen kelispeıtinin bildirdi.

Koalalardy qutqarý qaýymdastyǵynyń prezıdenti Djess Robertson koalalardy tikushaqtan atyp óltirý olardyń jaǵdaıyn durys baǵalaýǵa múmkindik bermeıdi dep esepteıdi. Onyń pikirinshe, bul máseleni sheshýdiń áldeqaıda ońtaıly joldary bar.

Sonymen qatar, kóptegen depýtat koalalar 2022 jyldan bastap joıylyp bara jatqan túrler tizimine engizilgenin eske saldy.

Aıta ketelik Aýstralııada 150-den astam kosatka jaǵaǵa shyǵyp qalǵan edi.