Avstralııada balyqshy 6 metrlik akýla ustady
ASTANA. QazAqparat - Áleýmettik jelilerde balyqshy kemesindegi alyp akýlanyń sýreti paıda boldy. Daily Mail habarlaýynsha, Avstralııa jaǵalaýynda aýlanǵan 6 metrlik jyrtqyshtyń sýretin Facebook jelisinde Djeff Brýks degen adam ornalastyrǵan.
Keıin Mettıý esimdi avstralııalyq balyqshy alyp akýlany alyp shyqqanyn habarlaǵan. Onyń aıtýynsha, balyq aýlap júrgende jyrtqysh oǵan shabýyl jasaǵan.
Mettıý akýlanyń qandaı túrge jatatynyn birý maqsatynda fotoǵa túsirgen. Ol alyp balyqty bazarda satqanyn, ózine tek jaǵyn qaldyrǵanyn aıtty. Sondaı-aq balyqshy, bul onyń osyǵan deıin kórgen jolbarys akýlalarynyń ishindegi eń kishileriniń biri ekenin jetkizdi.
Jolbarys akýlalary álemde eń kóp taraǵan akýlalarǵa jatady.
