Avstralııada balyq balyqshyny «ustap aldy»
ASTANA. QazAqparat - 30 jyldan beri Avstralııanyń Batys jaǵalaýynda balyq aýlap kelgen balyqshynyń qarmaǵyna marlın tuqymdas qyzyl ári úlken balyq ilikken. Úlkendigi sonsha, balyqshy balyqty emes, balyq balyqshyny ustap alyp, ózimen birge kók teńizge alyp ketken, dep habarlady ABC.
Avstralııalyq sýda alty saǵat ótkizgen. Bul ýaqytta onyń qaıyǵy jaǵaǵa kelgen. Moya-planeta.ru habarlaýynsha, ózge balyqshy bos kelgen qaıyqty kórip, tıisti oryndarǵa habar bergen. Taǵy bir qaıyq er adamǵa sýdan shyǵýǵa kómektesken. Er adamnyń denesi sýyǵan jáne eseńgiregen kúıi aýrýhanaǵa jetkizildi.
Qutqarý qyzmetiniń ókilderi balyqshynyń joly bolǵan dep otyr. Avstralııalyq TJM balyqsúıer qaýymǵa jaǵadan alshaq ketpeýdi taǵy da eskertti.
