Avstralııada áınek meshit salynady (FOTO)
ASTANA. QazAqparat - Avstralııanyń Nıýporte qalasynda kóp uzamaı álemdegi eń tańǵajaıyp meshittiń qurylysy qolǵa alynbaqshy. Bul týraly Islam.kz saıty Islam today aqparat kózine silteme jasaı otyryp habarlady, dep jazady www.muslim.kz.
Onyń ereksheligi nede deısiz ǵoı? Ol áınekten salynady. Іshte namaz oqyp jatqan jamaǵat syrttan baıqalyp turady. Bul meshittiń esigi kelesi jyly jamaǵatyna aıqara ashyp qalýy múmkin.
Atalmysh joba sáýletshisi Glenn Merkat nelikten mundaı ózgeshe meshit salýǵa ańsary aýǵanyn bylaı túsindirip berdi: "Men Taıaý Shyǵystyń dástúrli úlgisin qaıtalaǵym kelmedi. Onyń ústine, osy zamanǵy adamdar erkindikti, ashyqtyqty qalaıtynyn eskerdim".
Aıta keteıik, bul jobaǵa egde jastaǵy musylmandar ekiudaı pikir bildirip, quptaı qoıǵan joq, Alaıda, jastar qyzý qoldaý bildirdi. Bul meshit jergilikti musylman jamaǵatynyń qarajaty esebinen salynady. Meshit aýmaǵynda, sondaı-aq, kitaphana men meıramhana bolady.
