Avstralııada aıaq asty alyp shuńqyr paıda boldy
ASTANA. QazAqparat - Avstralııanyń Kvınslend shtatynda kólemi fýtbol alańyna para-par shuńqyr paıda boldy.
Jergilikti aqparat quraldarynyń málimdeýinshe, alyp shuńqyr birneshe kólik pen shatyrdy jutyp jibergen. Osy tótenshe jaǵdaıǵa baılanysty oqıǵa ornyna jedel jetken polıtsııa men qutqarýshylar 140 adamdy qaýipsiz jerge kóshirdi.
Shuńqyrdyń eni - 150, tereńdigi - 3 metr. Kvınslend shtatynyń Parkter men tabıǵat jónindegi qyzmet mamandary jaǵdaıdy baqylaýda ustaıtynyn málimdedi. Sonymen qatar qaterli aýmaqqa geotehnıka ınjenerleri shaqyrylǵan. Olar óńirdegi qaýiptilik deńgeıin anyqtaıdy, dep jazady 24.kz.
«Biz saıahatta júrgenbiz. Aıaq astynan qazan shuńqyrǵa tap boldyq. Іshine tipti júk kóligi túsip ketken», - deıdi oqıǵa kýágeri Aleks Glover.
