Avstralııada arnaıy saıabaqtaǵy kengýrý tóldedi
ASTANA. QazAqparat - Avstralııadaǵy Goýld-Kost qalashyǵynyń arnaıy saıabaǵynda aǵash kengýrýy tóldedi. Jańa týylǵan kengýrý anasymen eki jyl birge bolady.
Sebebi ol osy mezgil boıy aǵashqa órmeleý men azyq tabýdy úırenedi, dep jazady kepochtimes.ru. Tabıǵatta sırep bara jatqan kengýrýdyń bul túrin qutqarý baǵdarlamasy Dreamworld jabaıy tabıǵat qorynyń kómegimen iske qosyldy. Endi sol kezden beri saıabaq túrli jaraqat alǵan qaltalylardyń turaǵyna aınaldy, dep habarlaıdy 24.kz. Olar - kólik astyna túsken nemese ıtke talanǵan janýarlar. Qazir munda 2 erkek, 3 urǵashy kengýrý bar. Saıabaq qyzmetkerleri kengýrýler osylaı kóbeıe berse, birtindep sany artatynyna senimdi.
