Avstralııada akýlany qylǵyta salatyn qubyjyq paıda boldy - VIDEO
ASTANA. QazAqparat - Avstralııalyq ǵalymdar arnaıy lokatordyń kómegimen jaǵalaýǵa jaqyn sý aıdynynda úsh metrlik akýlany tirideı qylǵyta salatyn alyp tirshilik ıesin baıqap qaldy. Ǵalymdar onyń qandaı qubyjyq ekenin bilmeı dal bolýda, dep habarlady sheteldik BAQ.
Buǵan deıin nazarǵa ilikpegen tirshilik ıesin bıologtar dene temperatýrasy boıynsha anyqtap otyr. Avstralııalyqtar «alfa-akýla» ataýy berilgen akýlaǵa temperatýrany sezinetin arnaıy GPS-qurylǵysyn ornatyp, baqylaýǵa alǵan bolatyn. Sál keıinirek osy qurylǵy akýla shamamen 600 metrlik tereńdikte júzip kele jatqanda onyń denesiniń temperatýrasy 30 gradýska kóterilgendigin tirkegen.
Temperatýranyń birden kúrt kóterilgendiginen zertteýshiler baqylaýǵa alynǵan nysannyń endigi ýaqytta tirshilik keshpeıtindigin túsingen. Ǵalymdar temperatýranyń kúrt kóterilýin akýlanyń basqa tirshilik ıesiniń ishine túsýimen baılanystyryp otyr.
Bıologtardyń sózine qaraǵanda, ádette aq akýlalarmen kıtter qorektenedi. Alaıda ǵalymdar óz jemtigin tutastan jutyp qoıatyn jyrtqysh teńiz tirshilik ıesi jaıynda estigen emes.
