Avstralııada akýla shabýyldaǵan er adam mert boldy
LION. QazAqparat – Avstralııanyń soltústik-batys bóligindegi Brým qalasyna jaqyn mańdaǵy jaǵalaýda akýla shabýyldaǵan er adam mert boldy, dep habarlaıdy QazAqparat Euronews agenttigine silteme jasap.
Jyrtqysh qalanyń bas jaǵajaılarynyń birinde sýda júzip júrgen azamatty bas alǵan. Akýla onyń qolyn julyp alǵan, sondaı-aq er adam aıaǵynan aýyr jaraqat aldy. Oqıǵanyń kýágerleri zardap shekken azamatty jaǵaǵa shyǵaryp, jedel járdem shaqyrtqan. Alaıda er adam jedel árdem kelgenshe jantásilim etti. Jaǵajaı qazir jabyq, onda kúzet qoıylǵan.
«Bul jantúrshigerlik jaǵdaı. Oqıǵa oǵan kýá bolǵan adamdardyń júıkesine áser eteri sózsiz. Olar bizdiń de oıymyzdan keter emes»,-dedi Batys Avstralııa shtatynyń premer-mınıstri Mark Makgoýen.
Bul qurlyqta eń qaýipti sanalatyn Avstralııanyń batys jaǵalaýynda sońǵy 1,5 aıda bolyp otyrǵan ekinshi jaǵdaı. Bıyl akýlalardyń osyndaı shabýyldarynyń saldarynan 8 adam qaıtys bolǵan.
