Avstralııada adam qolynan qaza tapqan Qazaqstan azamatshasynyń ólimin tergeý QR SІM-niń baqylaýynda
TANA. 4 qazan. QazAqparat - Qazaqstannyń syrtqy ister mınıstrligi 1 qazan kúni Avstralııanyń Brısben qalasynda máıiti tabylǵan Saǵynaı Batyrhanovanyń otbasyna kóńil aıtady, dep habarlaıdy vedomstvonyń baspasóz qyzmeti.
1989 jyly týylǵan Qazaqstan azamatshasy Saǵynaı Batyrhanova Grıffıt Ýnıversıtetiniń birinshi kýrsynda bilim alatyn.
Bul oqıǵaǵa kúdikti polıtsııa qolyna túsip, qylmysyn moıyndaǵan.
2011 jyldyń 3 qazany kúni qylmyskerge qatysty birinshi tyńdalym boldy. Sot Taılandtan shyqqan qylmyskerdi 2011 jyldyń 5 jeltoqsanyna deıin qamaýda ustaý týraly sheshim qabyldady.
S.Batyrhanova men ony óltirgen adamnyń úsh aılyq uldary bar, qazir sábı Avstralııanyń áleýmettik qyzmetteriniń qamqorlyǵynda.
Qazirgi tańda QR Syrtqy ister mınıstrligi Máskeýdegi Avstralııa elshiligine osy istiń tolyqtaı tergelýine jáne bizdiń azamattarymyzdyń múddesiniń qorǵalýyna barynsha kómek kórsetý týraly aýyzsha nota jiberdi.
3 qazan kúni QR konsýly birqatar máselelerdi, sonyń ishinde S.Batyrhanovanyń denesin otanyna jiberý jáne de azamattyq nekede dúnıege kelgen balanyń quqyqtyq mártebesin anyqtaý týraly máselelerdi sheshý úshin Avstralııaǵa keldi.
S.Batyrhanovanyń anasynyń ótinishi boıynsha QR Syrtqy ister mınıstrligi onyń qyzynyń denesin Qazaqstanǵa jetkizýge kómek kórsetedi.
