Avstralııada 5 jastaǵy qyzdyń óliminen keıin jappaı tártipsizdik boldy
ASTANA. KAZINFORM – Avstralııanyń Alıs-Sprıngs qalasynda jergilikti turǵynnyń bes jastaǵy qyzynyń ólimine baılanysty jappaı narazylyqtar bastaldy, dep habarlaıdy Aljazeera.
Júzdegen adam kúdikti jetkizilgen aýrýhanany qorshaýǵa alǵan. Ol — 47 jastaǵy Djefferson Lıýıs.
Jergilikti turǵyndar polıtsııa kelmeı turyp er adamdy soqqyǵa jyǵyp, esinen tandyrǵan. Qaqtyǵys barysynda narazylyq bildirýshiler jedel qyzmet kólikterine tas laqtyryp, tehnıkany órtegen.
Saldarynan polıtsııa qyzmetkerleri men medıtsına mamandary zardap shekti. Jedel járdem jáne órt sóndirý kólikterine zaqym kelgen. Quqyq qorǵaý organdary kózden jas aǵyzatyn gaz qoldanýǵa májbúr boldy.
Bes jastaǵy qyz ótken senbi kúni joǵalyp ketken. Onyń denesi ormannan tabyldy.
Kúdikti buǵan deıin de zorlyq-zombylyq faktileri boıynsha sottalǵan. Qaýipsizdik maqsatynda ol Darvın qalasyna jetkizildi.
Bılik ókilderi turǵyndardy sabyrǵa shaqyryp, istiń zań aıasynda qaralatynyn málimdedi. Qalada ýaqytsha alkogol satýǵa tyıym salynyp, polıtsııa baqylaýy kúsheıtildi.
Osyǵan deıin Irlandııadaǵy qyz zorlaýǵa qatysty narazylyq jappaı tártipsizdikterge ulasqany týraly jazdyq.
