Avstralııada 5,9 baldyq jer silkinisi tirkeldi

NUR-SULTAN. QazAqparat – Sársenbi kúni Avstralııanyń ońtústik bóligindegi Melbýrn qalasynyń mańynda 5,9 baldyq jer silkinisi tirkeldi, dep habarlaıdy QazAqparat CNN aqparat agenttigine silteme jasap.

Avstralııanyń Vıktorııa shtatynyń Tótenshe jaǵdaılar jónindegi memlekettik qyzmeti Twitter-degi akkaýntynda zilzala oshaǵynyń Vıktorııa shtatynyń Mansfıld aýyldyq qalashyǵyna jaqyn jerde ornalasqanyn habarlady.
Jer silkinisi saldarynan kem degende bir ǵımarat zardap shegip, Melbýrnniń ortalyq iskerlik aýdanyndaǵy elektr jelileri búlingen. Zardap shekken adamdar týraly málimet kelip túsken joq.
Jerasty dúmpýleri sondaı-aq Ońtústik Avstralııanyń Adelaıda qalasynda (zilzala oshaǵynan 800 shaqyrym) jáne Jańa Ońtústik Ýels shtatyndaǵy Sıdneıde (zilzala oshaǵynan 900 shaqyrym jerde) sezildi.