Avstralııada 16 eldiń dıpmıssııasyna kúdikti sálemdeme jiberilgen
ASTANA. QazAqparat - Avstralııa Federaldyq polıtsııasy Melbýrn jáne Kanberrada ornalasqan 16 eldiń elshilikteri men ókildikterine quramynda qaýipti aq tústi untaq bar sálemdeme jiberilgendigin rastady. Bul týraly sársenbi kúni AVS teleradıokorporatsııasy habarlady.
Tergeý amaldary Ulybrıtanııa, Germanııa, Grekııa, Mysyr, Úndistan, Italııa, Indonezııa, Ispanııa, Jańa Zelandııa, Pákistan, AQSh, Túrkııa, Frantsııa, Shveıtsarııa, Horvatııa jáne Ońtústik Koreıa elderiniń dıpókildikterinde júrgizildi.
«Búgin birneshe konsýldyq mekemee kúdikti paketter jetkizilgen. Bul dıplomatııalyq ókildikterge yqpal etý úshin ádeıi jiberilgen, biraq azamattardyń ómirine qaýipti emes», - delingen Vıktorııa shtaty polıtsııasynyń taratqan málimdemesinde.
Eldiń apattyq qyzmetteri Melbýrn jáne Kanberra dıpmıssııalarynyń aýmaǵyna kúdikti paketterdiń jetkizilgeni týraly saǵat shamamen 14:00-de (jergilikti ýaqytpen saǵat 06:00) eskertildi. Federaldyq polıtsııa jáne Vıktorııa shtatynyń polıtsııasy kúdikti sálemdemeler jetkizilgen ókildikterde tekserý jumystaryn júrgizdi. Zardap shekkender týraly aqparat kelip túsken joq.
Foto: newsru.co.il
